بداية عملة البيتكوين , وتعلم أساسيات التداول والمتاجرة بالعملات الرقمية , كيفية البدء والدخول فى العملات الرقمية .

فى البداية لازم نعرف او نفكر نفسنا ان ب بداية البيتكوين وبداية ظهوره وطرحه كا توكن للبيع كانت فى عام 2009 ولكن  الحقيقية ان بداية ظهور البيتكوين او انتشاره منذ بداية عام  2012- حتى 2015 فلو كنت فاكر أن الاخبار اللي بتشوفها دلوقتي او بتقراها فى مواقع التواصل او التدوينات او المواقع الألكترونية  هي فقط من التى  تحدد السوق فأحب اقولك ما خفي كان اعظم , وسنقوم بشرح كل شئ عن البيتكوين والبلوكتشين فى مدونتنا وسنقوم بعمل قسم خاص للعملات الرقمية واليك بداية تدوينتنا النهاردة فى التعرف على قصة جديدة من تاريخ عملة البيتكوين احب اقولك ان   البدايه كانت مع مارك كاربلس المدعو مارك ده شاب فرنسي عايش فى مدينة طوكيو اشترى موقع يدعى تحت اسم  mtgox الصراحه مارك مكنش متوقع التحول الفظيع اللي هيحصل فحياته لما اشترى الموقع ده  البدايه كانت سريعه الناس كانت حابه تجرب التكنولوجيا الجديده السعر بيزيد والطلب بيزيد وهنا نيجي عند الشخص التاني وهو شارلي شريم شارلي يعتبر كان شاب صغير بس ذكي انشاء شركه bitinstant لشراء البيتكوين من من جوكس الطلب في أمريكا كان كبير فكان بيوفرلهم البيتكوين لان فالطبيعي لو هتشتري عن طريق بنوك الموضوع ممكن ياخد اسبوع ساعتها هيكون السعر اتغير كتير ونيجي بقي عالشخص التالت الا وهو روس البريخت روس هو الديب ويب  روس فتح ماركت جديد عالديب ويب اسمه silk road الموقع متخصص في كل ما لذ وطاب تاجير قتله .شرا مخدرات . بيع أعضاء كل ما هو ممنوع كان بيبيعه وكان بيبعيه ازاى ايون . عن طريق البيتكوين الحكومه اكتشفت ده واعتقلت روس وصادرت حوالي 50 الف بيتكوين بعد كده عرضت فمزاد واتباعو الصراحه الماركت موقعش وده معناه أن البيتكوين كان في جزء منه صغير داخل فالسكه دي فالوقعه مكنتش كبيره نيجي بقي للغلبان شارلي شريم اللي باع البيتكوين لروس الولد الصراحه صغير وزي ما تقول اتغفل تغفيله مخبرين واتحط فالسجن شارلي مكنش بيبيع مخدرات بس كان بيساعد ودي غلطه كبيره جدا انك تستخدم التكنولوجيا بطريقه غلط نيجي بقي المعلم التالت مارك كاربلس مارك أساسا كان جيمر والدنيا مشيت معاه وصحي لقي نفسه بقي ملياردير وبرضه صحي لقي نفسه فالسجن مارك الحمايه بتاعت المنصه مكنتش قويه فتم سرقه 850 الف بيتكوين من مت جوكس تم استعادة 200 ألف منهم مارك قضي السجن فتره طويله بسبب الإفلاس يمكن مانقذهوش غير علو البيتكوين مؤخرا فسدد معظم فلوس اللي استثمروا ساعتها اللي نتعلمه من ده أن التكنولوجيا اياك تسيء استخدامها لأنك هتتقفش وإن مدام فلوسك على منصه فهي مش فلوسك طالما مش معاك البرايفت كي,خلينا نروح لاتجاه تانى بقى وهو كيفية التعلم وبداية دراسة مجال العملات الرقمية وتكنلوجيا البلوكتشين اولا مجال العملات الرقمية والبيتكوين ده فرع من أحدى فروع مجالات الربح من الأنترنت اللى بتتعدد جدا وبتتزايد باستمرار وكمان بتتقدم يوم عن يوم بل لحظة عن لحظة وبالطبع مع مرور الوقت والمزيد من الأنتشار والمعلومات وحدوث الضجات الاعلامية وأنتشار الحديث بين الناس يزداد مستخدمين النت والربح من الانترنت طيب فى اساسيات لازم تعرفها الاول فى الربح من النت 
 والربح من اى حاجة فى النت مش شرط بيتكوين بقى اتعامل مع اى مشروع او مجال ربحى على الانترنت   زى الواقع والسوق الواقعى زى الشارع من الاخر بمعنى انك انت فى سوق كبير وفيه عرض وطلب وانت بتدرس العرض والطلب وبتعمل دراسة للسعر المقترح الان والمتوقع من التخزين وصافى الربح واجمالى المصروفات وهكذا  طيب انا اما بنزل الشارع وحبيت مثلا افتح مشروع اى كان المحل اللى هفتحه ايه هو بعتمد على اساسيات وقواعد اللى هى انى هشوف المجال اللى هشتغل فيه وبعمله دراسة جدوى من السوق اللى هفتح مشروعى فيه عدد المنافسين فى المجال ايه والاقبال على السلعة اللى انا هتاجر بيها وهوفرها وابيعها قد ايه بعرف العرض والطلب انا السلعة اللى هبيعها دى الناس عيزاها فى الوقت الحالى ولا لا طب لو جبت بضاعة فى المحل وهتتركن على الرف او المخزن لمدة شهر ايه اللى هيحصل لو اتركنت وهل هيجلها زبونها بعد شهر ولا لا طب لو جه انا الحسنة بتاعتى فيها كام وهكسب كام وهخسر كام .. وفى عوامل كتير بنستخدمها فى المتاجرة فى الواقع مثلا او اى مشروع او حاجة بتتعامل النت نسخة طبق الاصل من السوق بتاع الواقع بجميع مجلاته النت فى اكتر من مجال للربح بس انا بختار انا داخل فى ايه وهستثمر فى ايه وهعرف انجح فيه واجيب راس مالى ومكسب ولا لا .. ده مثال بالنسبة بقى للتداول والربح من البيتكوين او اى مشروع على النت حضرتك حابب تشتغل فيه وتجربه ايه اللى بيحصل بقى مجال العملات الرقمية واسع وكبير جدا والعلامت بتتزايد جدا وكل عام بيتم انتاج عدد كبير من العملات فى عملات بترتفع سعرها منذ انطلاقتها وفى بتتاخر ارتفعها لاعوام وذلك يرجع لمشروع العملة والهدف من استخدامها وعدد العملات المتاحة وعدد المستخدمين للعملة على مستوى العالم وماذا ستضيف هذه العملة ومن هو مؤسسها وما هي مشارعها المستقبلية وتحليلات الخبراء لها وسنتابع هذا عن قريب فى المزيد من التدوينات القادمة فتابعونا , وفى النهاية لو عايز توصل للاحتراف تمام مفيش حد هيقدر يساعدك اكتر من نفسك الحل فى ان حضرتك كونت معلومات محددة وكونت خلفية طيب عشان المجال كبير وبيتفرع حضرتك دلوقتى فى مثلا نقطة مش فاهمها او حاجة حابب تزاكرها وتفهمها وتحترف فيها هيبقى الحل موجود فى اكثر من مكان مثل مدونتنا ومقالتنا وبحث المدونة او بحث جوجل ومواقع اليوتيوب او الاستفسار عبر الكومنتات فى احدى هذه الاماكن او عبر الفيس بوك او شراء الكورسات المدفوعه المعروضة على الانترنت من مصادر موثوقة .